OGOTERA 76 - 100

KOBUSURA MAMBIA   1 Kobusura mambia, `mbusuro chingiya, Kobusura mobaso, mogoroba Toganye rigesa n`ogosangereria, Natochenge tokoreta rigesa.   Chorus: Reta rigesa, Reta rigesa; Natochenge tokoreta rigesa Reta rigesa, Reta rigesa; Natochenge tokoreta rigesa.   2 Twabusur` ensakia nonya n`ekiriri, Titobugwa n`obokendu n`omwaga Mbwango eraere emeremo yonsi, Natochenge tokoreta rigesa.   3 Busurera Yeso Ase amariga, Nase emechando n`omoichano Ero gekoera natoire bwoye, Natochenge tokoreta rigesa.

TORI` ABAGOSIRA   1 Tori` abagosira, Gweni` abagokwa, Taboria korw` embera y`ebibe Rer `abakomocha, `Moki` abakogwa Batebie Yeso ner`Omotoria.   Chorus: Tori` abagosira, Gweni` abagokwa Yes` omonyamaber` abatorie.   2 Nonya bachayete, Nabaganyete, `Ganyete oyom`ogoonchoka Bakurere mono, Baebererie, Nababere kabaramwegene.   3 Motemi`osaririe, chinkoro chiabo, `Buya bokony`, ebirengererio `Bwanchani, Bwororo, Bikun`enkoro, Nebe moyo ase Omonene.   4 Tori` abagosira, Nab`eganeirie, `Monene ere nakoe chinguru `S`oboremereria, obairanie, Batebi` Omotori` obakwereire.

KORER`OMONEN` EMEREM`EMIYA   1 Korer`Omonen` emerem`emiya n`ogwancha, Kabe n`oboremu kora motari koiroka.   2 Nonya Saitani nabek`emeribo y`obobe, Oy`otorangeirie n`omwegenwa natorende.   3 Eira yaye as`abasomba baye ner`eye "Meremo yao as`Omonene teri bosa".

TOTAMERA KENDE   1 Totamera kende, `Meremo nereo, Kabe ang`ogende, Ase oratomwe Okorangeirire, Botamb` as` obuya, Tibwang` emeremo, `Miya ya Igoro.   Chorus: Aye nchwo (bono) Totamera kende, Aye nchwo (bono) Kabe ang` ogende Totamera kende, Ande notebigwe, "Aye gwanchayete, Togochia Igoro".   2 Totamera kende, `Monen` orangeirie, Kwangir` aye mono, igw` eriogi bwango Rigesa riamire, `Bagesi nabake, Kabe n`omogoko, Korer` Omonene.   3 Totamera kende, Bono totebana, Tomochaya Ere, Ande nagotige Ribaga korire, Orore Igoro, Ngosororwa ore Inchuo nabwaberwe.

OMONENE RIGORO NAINYORA   1 Monen`one `S`ogokumia nkoinyora; Bint`amabok`ao akorete, Ndora ng`enang`eni nyigwa chinkoba: Bioroki`ense okobua kwao.   Chorus: Nkoro yan`eterer` Omotoria; Monen` Aye Bw`ogokumia! Nkoro yan`eterer` Omotoria; Monen` Aye Bw`ogokumia.   2 Kongoeta chinsana ime ng`ichana; Nyigwa chinyoni chikogotogia Gankorigereria korw`ebitunwa; Ndoche chioga mbeo engiy`egusa.   3 Nkoinyora buna kwaruet`Omwan` oo; Kamotom`ache gokwa ng`ichana, Kabogori`ebib`as` Omosalaba; Manying`agaitek`eri`agansibia.   4 Kristo karache n`eriogi rinene; Kong`ira nka ng`ichorw`omogoko, Ntung`ame mosasime n`oboitongo; Ndari`agwo Nyasae Bwogokumia.

KOR` EMEREMO MBOIRE   1 Kor` emeremo mboire, oyekore mambia; Kora korime rire, As` ebisicha Yekore kobogokia, Risase korire Kora bwango naboire, Ker` otakore.   2 Kor` emeremo mboire, Yekore mobaso Kera ensa yekore, Bwang` otimoke `Kero gi`ensakia nyora, Egent` okogacha Kor` emeremo mboire, Ker` otakore.   3 Kor` emeremo mboire, kora kobokoira; Kamasas` akomesa, `Tuko riaeta Masase akorima, Atabare rinde Ker` omosunt` ogocha, Ker` otakore.

TEKOB` EGETUNWA_IGORO   1 Tekob` egetunwa Igoro,   Gose ng`umbu y`enyancha, Gose tai oroari ime, Nyasa` Aranganerie; Gakorangeria ng`or` obwororo, Nintamany` enchera, Korambwat` okoboko ningende, As` origetie ngende.   Chorus: Ningende as` origetie ngende, Bitunwa, `birubo, `nyancha; Nintebe bun` aganetie ntebe, Nimbe buna aganetie.   2 Nare amang`ana obwanchani,   Yes` arigetie ntebe, Gose nab` omonto` `as` ebibe, `Yongwenerete ndigie; `Motoria korab` Omorai one, `Nchera neb` embe, Ninkwan` amang`an` ao amaya, Bun` origetie nintebe.   3. Ase nare ens`achayire, ko rigesa ndireo, `Se ndakore emeremo ya Yeso obambetwe; Kondegene as` oborai bwao, `Manyete nonyanchete, Ninkore obwanchani bwao obuya, Nimbe buna origetie.

NIMBWATE OMOSANI   1 Nimbwate Omosani, Nimwanchete mono; Nigo anyanchete mono, Anchete kegima; Tinkoba moyo ataiyo, Mbuya kare ang`e, Erio twamenya amo: Ere nainche.   2 Kero kende narosa, Ere namanyete; Kagontebia mweegeke, Nanyor` ogokonywa; Nere okondaa nchera, Tinyara kogochwa; Erio twatara amo, Ere nainche.   3 Nigo nkomworoki` onsi; Omogoko one; Naende obororo bo, Nony` Omoichano; Antebia nkore amaya, Buna nche ndateme. Erio twakwana amo,   Ere nainche.   4 Namanyet` okogania, Morete oyomo; Onchikire ntebie `bande,   Ring`ana rigiya, Ntebe obwanchani bwaye, `Kiageret` agakwa. Twakora emeremo, Ere nainche.

KONDAROR` OMOSALABA   1 Kondaror` Omosalaba, Ase Kristo ankwerete `Nibo yane yonsi mbosa Ntig` oboenenu bwane.   2 Rora omobere oye Obororo n`obwanchani Biana koumerana rinde Gos` amagwa kob` egutwa?   3 Nche omosiru nabeirwe `S` erieta, Ring`ana riaye Tinyetogeria gent` ense Tatig` omosalaba` oo.   4 Nintwar` obotongi bw`ense Tibogoisan` Esadaka `S` Obwanchani bwogokumia Bonganetie nche na bionsi.

TOKOR` EMEREM` ABASOMBA BA YESO   1 Tokor` emerem` abasomba ba Yeso, Tobwatie enchera yaye aetete `S` ogosemia kwaye Tonyore chinguru, Tokore eki`amabok` aito akonyara.   Chorus: Omokia, omokia, Omokia, omokia Tosabe... (mono) Torende...(rioka) Tokore ach` Omonene.   2 Tokore emeremo bonsi baigote, Amache abare n`erang`o bayanywe `Mosalab` ebendera yaito erabe, Baranderie "ogotoreka kwa bosa."   3 Tokor` emererno amo toyekore, Obogima bw`omosunte n`abosire Rieta ria Yehova rimokigwe Igoro, `S`Ogotera "Ogotoreka kwa bosa."   4 Tokore emeremo goik` omoerio, Rigesa ndiike bagesi bachiche Omochie bw`ababorigwe nobe seito, Natotere "Ogotoreka kwa bosa"!

[A] `S`OMOGOKO NATOMOKORERE   1 `S`omogoko natomokorere, Omonen`emerem`emiya; Kende gionsi bun`Er`arachike, S`okwegena natogekore.   Chorus: Korera (Korera) Yeso, As`omogoko (ee) As`omogoko, Korera (Korera) Yeso, `S`omogond`oy`as`ense.   2 `S`omogoko ntoteb`omogano, Bw`obwanchani bway`as`abanto; Krist` ore oborabu bwa Tata, Natoe ogosesenigwa.   3 `S`oboitongo tomotunye Yeso, Totare chincher`atarete; Toirani` abasiruas`Omotoria, Baror` Emanwa ya Nyasae. [B] EBISIO AMANG`ANA Y`ENKORO   1 Ebisio amang`ana y`enkoro. Gosaba, gosoma ring`ana; Igo nario tokorigia mono, Ebigutu Kera Omwaka.   Chorus: Aiga mbareo, ababwatete, ababwatete; `Machiko Aye, n`okwegena kwa Yeso.   2 Esadaka nech`as`Omonene, Emeremo, natoyekore: Toganyet`Omonen` airane. Ase baria basemeretie.   3 Natoorokie ebibe biaito Tobe abarabu twaberwe: Gatoregen`Omonene Yeso, Tokonywe tonyore chinguru.   4 Nony`ekero Ki`embura y`etoigo, Tosabe Nyasae ayerue, Embura y`Omoik`Omochen...

O NG`AI ABAGESI   1 Ng`ai abagesi bakogesa, Abant` abegeni korwa ense? `Merem` ekorek` as` ekeene, Onde tatimoka goika eere.   Chorus: Ng`ai bagesi bare bache, Basang` obonen` enka y`erigesa `Ng` oratokonye, kobareta,Bant` abegeni korwa ense.   2 Gend` as`ebinchera mobarigie, Babe mbange k`abaya mbareo Barigie nchera timotig`onde, Basangererie kogenda `goro.   3 Rigesa riarabire And`onsi, `Nse bono neganyete rigesa Bagesi mbake, merem`emenge, Abange mbasire rikonyorwa.   4 Bono nchwo n`emeyio mwanyabanto, Mogese embusuro engiya Kor` omoki` Omonene nachiche, Twegokie ner` as` enka yaye.

`NGEGU Y`ENYANCHA NG`UMBU   1 Ngegu y`enyancha ng`umbu, `Kobara buya mono Riogi rikondangeria, Ng`ayerere ng`ikeo.   Chorus: Ning`ende tintebana, Monene ondangeirie, Ningende inyigwere, Minto tigara buya.   2 `Monene otebire, `Bagesi ayerera!` Mogondo ng`ar` okare, `Baminto tiga ng`ende.   3 Eng`umbu y` emerindo, `Koboko, nkoimokirie Ebisieri mbigoire, `Basiru bandageirie.   4 Tata, Baba, n`abana, Mwensi tigara buya, Aria ng`uimbu y`enyancha, `Meremo nenganyete.

GOSIMEKER` AMARIGA   1 Gosimeker` amariga, `Mbusur`as`obwanchani; Takorosa na korara, Nonyor` obuya bwaye.   Chorus: Rigereria ense yonsi, Rigesa ndire ang`e; Ror` endagera yamire, Rigesa ng`ang`e rire.   2 Ngotw` ere korwa Igoro, `Borabu bw`omobaso; Emete yonsi nayame, Ne chinguru chia Nyasae.   3 Toros` as`ogosimeka Tobaisa koiroka; Nonyor` emechand` emenge, Nogese n`omochengo.

IGW` OMOGANO BW`OGOKUMIA   1 Igw` omogano bw` ogokumia, Twamenyet` abasiru Yes` agaika n`obonene, Gatorusi` egesibo.   Chorus: Ng` otorusiri` omosunte? (Nere Yeso obambetwe) `Nki akorete? (Agankwera) Ng`ai akare? `goro gotosabera (Egene Igoro gotosabera.)   2 Taiyo orenge gototoria, Nonya namalaika `Kabambwa agachayw` akangwa, `Yomo ase Nyasae.   3 Mbwerue ase Omotori`oyo? Mbwanche bwekany `as`are? Naye noror` obuya bwaye, Nagotori` ere bono.

KORANGERIGWA NKORE KORWA NG`UMBU   1 `Korangerigwa nkore korwa ng`umbu, Toma oborabu Chinkoro chiganetie, ogokonywa, Toma oborabu.   Chorus: Borabu `nchili `sesenirie, Borabe goik`,engegu Botambe masari` ayerabie, Ense yonsi botambe.   2 Korangerigwa korwa Makedonia, Toma oborabu Twerue intwe as` omot`abambetwe, Toma oborabu.   3 Tosabe buya boche ense yonsi, Toma, oborabu `Koba buna Kristo kobe and` onsi, Toma oborabu.   4 Titorosa gokora obwanchani, Toma oborabu, Tosangererie baye as` egutwa, Toma oborabu.

NKORANDI`ORE RING`ANA RI`OBONDA   1 Nkorandi` ore ring`ana ri`obonda, `Yomito ko ribaga rire? Nkorandi` ore ring`ana ri`obonda `Yominto k`omobaso ore?   Chorus: Rigesa bono ng`ang`e rire(`ng`e rire); `Mererno y`abagesi eere (kegima) Rigesa riao naki rirabe; `Monene kagosangereri` abanto.   2 Nkorandi` ore ring`ana ri`obonda, `Botuko botoererete? Nkorandi` ore ning`ana ri`obonda, Rigesa rigiya richenu?   3 Nkorandi` ore ring`ana ri`obonda, `Ncher` eyi` abanto baraigwe? Nosangererie rigesa rigiya, Inchwo obwatane n`abande.

TIGA KER` ETAYA YOKE   1 Tiga ker` etaya yoke, Omosunte ngoch` ore `Mosunte bw`ens` Omonene, Omonen` ataracha.   Chorus: Rosia chitay` abaminto, Mochirosie n`okoiroka. Gocha kwaye ng`ange kore, Kera etaya yoke.   2 Nony` abange mbasundoka, Bakwanga gwanch` enchili Kwegena gwaito ntobeke,`S` eira yokoirana.   3 `Ng`ana riaye nari`etaya Ntokonyara gosira `Mechando neba ker` ase, Titokonyara kwangwa.   4 Merem` emiy` eoroke, eyesokie ens`eye `koigwera koret` ebisio, Gatore n`okwegena.  

MOTORI` ATOTEBIA TORENDE   1 Motori` atotebia torende, Tosabe rioka Aru` Omoika bwe chinguru `Se baria banchire.   2 `Totebia torende tosabe, Tob` abarwani Tokonye toigw` eriogi riao, Koigwer `obogima.   3 `Totebia torende tosabe, Naki bwango ng`ache Gototimokia atoire, Enka ya botambe.   4 `Totebia torende tosabe, `Mogambi ochire Na toigwere n`omogoko, Torende goik` ache.

BUGIA ENGOMA Y` ENCHILI   1 Bugia engoma y` enchili, Ker` omont` akurerwe; Oyokoigwa Ring`ana, Aonchok` abe moyo.   Chorus: Bugi` engoma Omwegeni, Yebugi` ense n`enyancha; Nyasae ochikire ker`omosibwa asiborwe.   2 Yebugie chinsinyo chionsi, ``Se abasibwa bare; Teba `Bionsi ng`ang`e bire, Tata obarangeirie."   3 Yebugi` ebitunwa igoro, Ase chiroro chionsi; Chindiba chiiranerie, `Mogok` ogotoreka.   4 Yebugie `S`abarosire `Ganetie batimoke; Omotori` obachikire, `Mbuya moche as`ende."

IMOK` ABAKRISTO BUN` ABESEGI   1 Imok` Abakristo bun`abesegi, Mosalaba O Yes` otang`aine bosio Kristo natang`aine ase esegi, Bosi` as`esegi ror` ebendera.   Chorus: Imok` Abakristo bun`abesegi, Mosalaba `O Yes`otang`aine bosio.   2 `Riogi ri`obobui Saitani atama, `Bakrist` abarwani, rwana mobue Makweri aiguswa koigw` okobaka, Abaminto tera `moki`amariogi.   3 Kanisa ya Nyasae bun` abarwani, Toet` as`abegeni baetete; Titwatananeka, intwe nabamo, gosemeri`, ogwancha, kwegeri`okomo.   4 `Bagambi baeta, Magambi agwa, Kanisa ya Yeso nebeo rioka; Nguru chi`amakweri, Nchikoyebua, Ntore n`eira ya Yes` etabugwe.   5 `Nchwo abanto twensi togende amo, Tera naintw` ogotera kwo`bobui; Gosik` ogotogia Kristo Erwoti, `Malaika, `banto tera botambe.

ENKORO YANE IMOKA   1 Enkoro yane imoka, Ne chinguru chionsi, Esegi n`ey` Omonene, Keegwa n`egutwa.   2 Eriogi n`eria Nyasae, Rigokorangeria, Ner` omonyene okorwa, `Gutwa y`obogima.   3 `Barori nabwo abange, Bakorigereria; Toinyora as` okorwa, Bwatia orogendo.   4 `Monene gwatochakirie, Koamererania; Buna intwe tokobua, Kobua nokwao.

`BACHENU MORE N`OBOROS` OBUYA   1 Bachenu more n`oboros`obuya ase okwegena ring`ana riaye; Nkiaratebe Kebuet`egiatebete, Ning`onagotamera Omotoria? Ning`onagotameraOmotoria?   2 Timoiroka ninde amo nainwe, Naki Ninche Nyasae orabatorie; Nkoe `nguru, ngotorie, ngotenenie, nkobwate n`okoboko gwe chinguru, Nkobwate nokoboko gwe chinguru.   3 Kondakorangerie korw` as`amache, Ndoche chi`obororo nchigokobua; Naki nimbe naye kogosesenia, Na kogochena korw`as`emechando Na kogochena korw`as`emechando.   4 Nonya kogoet`emechand`emenge, Obuya bwaneobonge mboisaine; `Morerb` omong`orakobue, Nayobekir`ogochen` ogosibie` Nayobekir`ogochen` ogosibie.   5 Nkoro etimogete ase Yeso, Tinkoyetig`egend`as`ababisa; Nkor`eyio amakwerimnayenyegeria, Tinkoyetiga yaya tinkoyetiga, Tinkoyetiga yaya tinkoyetiga.

ENKORO YANE RENDA   1 `Nkoro yane renda; Babis` emeganda, B`ebibe babetereria; Gokorusia Igoro.   2 Renda rwana saba; Timotig`esegi, Rwan`as`oboyia botambe; Saba ogokonywa.   3 `Segi teraera; Totig` amatimo `Segi eye tekoera; Goik`onyore egutwa.

TINDI N`EKI NYEGENETE   1 Tindi n`eki nyegenete; Tati`amanying` a Yeso, Tinkonyara Omonyene; `Bibe biane kobisibia.   Chorus Yes`egetare nteneine, S`ande nigo nkorimera, S`ande nigo nkorimera.   2 Mosunte n`otub` amaiso; `Buya,bwaye bong`isane, Emerindo kerang`ake; `Ngurun chiaye ching`isane.   3 Amanying` Aye n`eira; Binkonye as` emechando, Onsi ense gekoera; `Monen` Ere nang`isane.   4 Karache n`ebitureri; Tiga ntoke nde ime yaye, Nyeboyetie oboronge; Ntari nakomocha konde.